Prezıdent Qasym-Jomart Toqaevtyń sógis jarıalaýynan keıin QR Kólik mınıstri Marat Qarabaev óz qyzmetine qatysty málimdeme jasady. Bul týraly ol Senatta jol máselelerine arnalǵan Úkimet saǵatynan keıin jýrnalıserdiń suraǵyna jaýap berý kezinde aıtty.
– Mınıstrlik ujymy Memleket basshysynyń vedomstvoǵa júktegen tapsyrmalaryn ýaqytyly ári sapaly oryndaýǵa basa nazar aýdarady. Men, osy memlekettik organnyń jetekshisi retinde, maǵan artylǵan senimdi aqtaý úshin bar kúsh-jigerimdi salamyn, – dedi Marat Qarabaev.
Mınıstr óz sózinde vedomstvo jumysynyń sapasyn arttyrýǵa erekshe kóńil bóletinin atap ótti.
Eske sala keteıik, jaqynda Memleket basshysy Qasym-Jomart Toqaevtyń tóraǵalyǵymen Qaýipsizdik keńesiniń kólik jáne logıstıka salasyn damytý máselelerine arnalǵan otyrysy ótken bolatyn. Kezdesý barysynda Prezıdent Kólik mınıstri Marat Qarabaevqa jol salasyndaǵy jumysynda jiberilgen kemshilikter úshin sógis jarıalaǵan edi.
