AQSH prezıdenti Donald Tramp Qytaıdy qospaǵanda, álem elderiniń taýarlaryna buǵan deıin jarıalaǵan baj salyǵyn 90 kúnge toqtatty.

Bul týraly Amerıka prezıdenti Truth Social-da jazdy. Ol Qytaı birden kúshine enetin, 125 paıyz kólemindegi kedendik baj salyǵynyń joǵary mólsherlemesine ushyraıtynyn jetkizdi.

Onyń aıtýynsha, bul qadam "Qytaıdyń álemdik naryqqa kórsetken qurmetsizdiginen" týyndaǵan.

Tramp álemniń 75-ten asa eli AQSH-ty saýda jáne saýda kedergileri boıynsha kelissóz júrgizýge shaqyrǵanyn jáne Amerıka Qurama Shtattaryna qarsy eshqandaı áreket jasamaǵanyn málimdedi. Ol qandaı elder úshin baj salyǵy toqtatylatynyn naqtylamady.

Aq úı AQSH-tyń barlyq derlik ımportyna 10 paıyz kólemindegi baj salyǵy kúshinde qalatynyn málimdedi. Bul habarlandyrý qazirdiń ózinde bar, kólikke, bolat pen alúmınıge salynatyn baj salyǵyna áser etpeıtin sekildi.

Aıta keteıik, jýyrda Qytaı AQSH-qa jaýap retinde tarıf jarıalap, taýarlarǵa jalpy baj salyǵyn 84 paıyzǵa jetkizgen bolatyn.