Almatyda 18 jastaǵy boıjetkenniń ólimine qatysty tergeý jalǵasýda: anasy ádildik talap etýde

Ótken jyldyń shilde aıynda Almatydaǵy kópqabatty turǵyn úılerdiń birinde qaıǵyly oqıǵa tirkeldi — 18 jastaǵy Aqnar Gúlstan 7-qabattan qulap, oqıǵa ornynda kóz jumdy. Bul jaıt qoǵamda úlken rezonans týdyrdy. Marqumnyń anasy resmı nusqamen kelispeıtinin aıtyp, qyzynyń ólimine bógde bireýdiń qatysy bar dep esepteıdi. Onyń sózinshe, Aqnar ózin-ózi óltiretin qyz emes.

Osyǵan baılanysty Almaty qalalyq Polısıa departamenti resmı málimdeme jasady:

«Marqumnyń týystarynyń qaıǵysyna shyn júrekten ortaqtasamyz. Tergeý jalǵasýda. Sońǵy prosesýaldyq sheshim barlyq qajetti saraptamalar men tergeý áreketteri aıaqtalǵannan keıin qabyldanatyn bolady», – delingen habarlamada.

Oqıǵa Almaly aýdany aýmaǵynda tirkelip, atalǵan fakti boıynsha QR Qylmystyq kodeksiniń 105-baby – "Ózin-ózi óltirýge ıtermeleý" boıynsha qylmystyq is qozǵalǵan. Qazirgi tańda tıisti saraptamalar júrgizilip, tergeý amaldary jalǵasyp jatyr.

Alaıda tergeý múddesine baılanysty ózge málimetter jarıa etilmegen. Aqnardyń týystary bul istiń ádil tergelýin talap etip, kináli tulǵalar jaýapqa tartylady degen úmitte. Olar qoǵamnan da qoldaý surap, bul oqıǵaǵa beıjaı qaramaýǵa shaqyrýda.

«Aqnar — ómirge qushtar, alda kóptegen armany men maqsaty bar qyz edi. Onyń ózine qol jumsaýy múmkin emes. Bul — ádiletsiz tujyrym. Bul ólimniń jaı ǵana kezdeısoqtyq emes ekenine senimdimin», – deıdi marqumnyń anasy.

Tergeý nátıjeleri men jańa málimetter jarıa bolǵan jaǵdaıda, bul is qoǵam nazarynda qala bermek.