Almaty qalasynda búgin Kórisý kúnine oraı teatrlandyrylǵan konsert ótti. Bul is-shara Naýryznama onkúndiginiń bastalýyn bildiredi. Atalǵan sharaǵa qala ákiminiń orynbasary Azamat Qaldybaev ta qatysty. 

«Kóktóbedegi Amal kúni» konserti saǵat 11:00-de bastaldy. Roza Rymbaeva, Janar Aıjanova, «Jigitter» toby, Aıgúl Qosanova jáne «Alataý» dástúrli óner teatrynyń artıseri óner kórsetti. Sondaı-aq mereke qurmetine saǵat 9:00-den 13:00-ge deıin aspaly jolmen júrý tegin bolady.

Aıta keteıik, 14 naýryz kúni Qazaqstanda jalpyulttyq «Naýryznama» onkúndigi bastalady. 

Kórisý kúni – qazaq halqynyń ejelden kele jatqan dostyq pen birlikti, aǵaıyn arasyndaǵy syılastyqty dáripteıtin meıram. Bul kún ár jyly 14 naýryzda atap ótiledi. Ásirese, Batys Qazaqstan, Atyraý, Aqtóbe, Mańǵystaý óńirlerinde keńinen toılanady. Keıingi jyldary bul dástúr elimizdiń basqa da aımaqtarynda belsendi túrde jańǵyryp keledi.