Búgin Qasym-Jomart Toqaevtyń tóraǵalyǵymen Qazaqstan halqy Assambleıasynyń XXXIV sesıasynyń plenarlyq otyrysy ótedi.

Kún tártibindegi taqyryp: "Birlik pen kelisim jolyndaǵy 30 jyl"

Aldaǵy sesıa jumysyna 1600-den astam qatysýshynyń kelýi kútilýde. Olardyń qatarynda Qazaqstan Respýblıkasy Parlamentiniń depýtattary, óńirlerden kelgen Qazaqstan halqy Assambleıasynyń músheleri, respýblıkalyq jáne óńirlik etnomádenı birlestikterdiń tóraǵalary, ortalyq jáne jergilikti atqarýshy organdardyń, dinı birlestikterdiń basshylary, saıası partıalar men úkimettik emes uıymdardyń ókilderi, dıplomatıalyq korpýs músheleri, ǵylymı jáne shyǵarmashylyq zıaly qaýym ókilderi, sondaı-aq qazaqstandyq jáne sheteldik buqaralyq aqparat quraldarynyń jýrnalıseri bar.