Bul týraly Qasym-Jomart Toqaev Qazaqstan halqy Assambleıasynyń XXXIV sesıasynda málim etti.
Kók pasportymyz ulttyq biregeıligimizdiń aıqyn nyshanyna aınaldy. Jyl ótken saıyn tólqujatymyzdyń abyroı-bedeli kóterilip keledi. Bul halyqaralyq qaýymdastyqtyń bizge degen qyzyǵýshylyǵy artyp, elimizdiń yqpaly kúsheıe túskenin kórsetedi. Ár qurlyqtaǵy túrli memlekettiń azamattary turaqty turý nemese demalý úshin bizdiń eldi jıi tańdaıtyn boldy. Bul – kezdeısoqtyq emes. Qazaqstan bedeldi halyqaralyq reıtıńterdegi qaýipsizdik ındeksi boıynsha aınalamyzdaǵy kóptegen memleketterdiń báriniń derlik aldynda tur. Al zań ústemdigi ındeksindegi "Tártip pen qaýipsizdik" kórsetkishi boıynsha, 142 eldiń ishinen 43 orynǵa taban tiredi, - deıdi Qasym-Jomart Toqaev.
Buǵan deıin Prezıdent Qasym-Jomart Toqaev QHA birlik pen teńdiktiń sımvolyna aınalǵanyn, sondaı-aq birlik álemdegi turaqsyz jaǵdaıda asa mańyzdy ekenin aıtty.
