Qazaqstan halqy Assambleıasynyń HHHİV sesıasynda Qasym-Jomart Toqaev azamattardyń bir-birin qandaı da bir tilde sóıleýge májbúrleýge bolmaıtynyn aıtty. Sondaı-aq ol el ishine iritki salýǵa tyrysqandar zań aldynda qatań jaýap beretinin eske saldy.

Prezıdenttiń aıtýynsha, búginde mektep bitirýshi túlekterdiń 80 paıyzǵa jýyǵy Ulttyq biryńǵaı testileýdi memlekettik tilde tapsyrady. Al bıyl alǵash ret mektep tabaldyryǵyn attaıtyn balalardyń 70 paıyzdan astamy qazaq tilinde bilim alady.

Sonymen qatar, Toqaev elimizde azamattardyń bir-birin belgili bir tilde sóıleýge májbúrleýge bolmaıtynyn atap ótti. Onyń pikirinshe, til máselesin jeleý etip, qoǵamda alaýyzdyq týdyrýǵa baǵyttalǵan kez kelgen áreketke zań sheńberinde tosqaýyl qoıylady. Bul tek el ishinde emes, shetelde otyryp, túrli uıymdardyń tapsyrmalaryn oryndaıtyn arandatýshylarǵa da qatysty.

«Elimizde azamattar bir-birin nemese minberde sóılep turǵan adamdy «myna tilde sóıle» dep májbúrlemeýi tıis. Til máselesin tý etip qoǵamda alaýyzdyq týǵyzǵysy keletin, el ishindegi jaǵdaıdy shıelenistirýge umtylatyn árbir áreketke tosqaýyl qoıylyp, zań júzinde jazalanady. Bul rette úı ishindegi ǵana emes, shetelde otyryp áldebir uıymdardyń aqshasy men tapsyrmasyna destrýktıvti áreketpen aınalysatyn arandatýshylar týraly da aıtyp otyrmyz», — dedi Toqaev. 

Toqaev ótken jyly Ulttyq quryltaı otyrysynda el birligi, otanshyldyq, táýelsizdik jáne kelisimniń mańyzdy qundylyqtar ekenin atap ótti. Ol bul qundylyqtardan aýytqıtyn áreketterge qarsy turyp, zań sheńberinde jaýapkershilikke tartylatynyn málimdedi. Sonymen qatar, ult birligi men yntymaǵyn nyǵaıtýǵa úles qosqan azamattar árdaıym qurmetke laıyqty bolatynyn aıtty.