Saıasattanýshy Ámirjan Qosanov mınıstrlerdiń qazaq tilin jyldam meńgerýi úshin Nursultan Nazarbaevqa tómendegideı usynys aıtty. Bul týraly saıasattanýshy óziniń Feısbýktegi paraqshasynda jazdy.

Elbasyna usynys

Mınıstrlerińiz shynymen de qazaq tilin úırensin deseńiz, memlekettik til tunyp turǵan ortaǵa - aýylǵa birneshe aıǵa jiberip alyńyz.

Jaı ǵana júrmeı, óz salalary boıynsha qyzmet jasap qaıtsyn.

Máselen, bilim mınıstri - muǵalim, 
densaýlyq saqtaý mınıstri - dáriger, 
eńbek jáne áleýmettik qorǵaý mınıstri - óz kúnin ózi kórýshi, aqparat jáne komýnıkasıa mınıstri - aýdandyq gazettiń tilshisi, 
mádenıet jáne sport mınıstri - aýdandyq hor ánshisi ne jattyqtyrýshy, 
ınvestısıa men damý mınıstri - jol qurylysshysy, 
qarjy mınıstri - aýdandyq qarjy bóliminiń qyzmetkeri, aýyl sharýashylyq mınıstri - agronom ne shopan, 
din jáne azamattyq qoǵam mınıstri - ımam ne jergilikti oppozısıoner, 
ádilet mınıstri - advokat, 
energetıka mınıstri - elektrık ne pesh jaǵýshy, 
ishki ister mınıstri - ýchaskelik polıseı, 
qorǵanys mınıstri - áskerı bólimshe ofıseri, 
al ulttyq ekonomıka mınıstri - shaǵyn fırma jetekshisi bop jumys atqaryp, Ulttyq bank tórǵaǵasy jumys isteıtin aýdandyq bankten nesıe alyp kórsin.

Tildi de tez úırenedi, ózderi basqaryp otyrǵan salalardyń qyr-syryn da jaqsylap meńgerip alady.