Astanada QR Parlamentiniń birikken otyrysy ótip jatyr. Jıynda sóz sóılegen memleket basshysy Nursultan Nazarbaev jańa «7-20-25» baǵdarlamasyn tanystyrdy, dep habarlaıdy Qamshy.kz aqparat agenttigi.

– Biz halyqtyń baspanaǵa qol jetkizýi úshin sońǵy jyldary kóp jumys istedik. Byltyr 11,2 mıllıon sharshy metr turǵyn úı aýmaǵy berildi. Bul – buryn-sońdy bolmaǵan rekordyq kórsetkish. Biraq bul jetkiliksiz. Áli kúnge deıin talaı otbasy úısiz-kúısiz júr, - dedi Elbasy.

Prezıdent turǵyn úı ıpotekasyn jalpaq jurtqa qoljetimdi qylý arqyly osy máseleni sheshýdi tapsyrdy.

– Jumys isteıtin ár azamat nesıege páter satyp ala alatyndaı tetikterdi qarastyrýymyz qajet. Men «7-20-25» degen jańa baǵdarlamany iske qosýdy usynamyn. Eńbek etýshi ár qazaqstandyq mynadaı sharttarmen turǵyn úıdi qaryzǵa ala alady: syıaqy mólsherlemesi qazirgideı jylyna 14-16 paıyz emes, 7 paıyzdan aspaıdy. Qazir bankter bastapqy jarnaǵa 30, keıde 50 paıyzyn surasa, bul baǵdarlama boıynsha bastapqy jarna mólsheri 20 paıyzdan aspaýy kerek. Nesıe 10-15 jylǵa emes, 25 jylǵa beriledi, - dep túsindirdi prezıdent.