Búgin QR Parlamenti palatalarynyń birlesken otyrysynda Elbasy Nursultan Nazarbaev oqý granttary men jataqxana tapshylyǵyna toqtalyp ótti, dep habarlaıdy Qamshy.kz aqparat agenttigi.
–2018-2019 oqý jylynda jyl saıyn bólinetin 54 myń grantqa qosymsha taǵy 20 myń grant bólinedi. Ol garnttardyń 11 myńyn suranys bar tehnıkalyq mamandyqtar boıynsha bakalavrǵa bólý josparlanyp otyr. Bul jerde men ınjenerler, aqparattyq tehnologıalar salasy men robototehnıka, nanotehnologıa salasyndaǵy mamandar týraly aıtyp otyrmyn, – dedi Nazarbaev.
Sondaı-aq, Elbasy jataqhana máselesine de toqtaldy.
–Álemdik standartqa sáıkes bilim júıesin qurý maqsatynda stýdentter turatyn jataqhana máselesine de kóńil bólip otyrmyz. Jan-jaqtan kelgen jastardyń kóbi baspana jaldaýǵa májbúr ekeni bárimizge málim. Búgingi tańda joǵary oqý oryndary men kolejderdiń stýdentterin jataqhanamen qamtamasyz etý máselesine asa den berip otyrmyz. Osy máseleni sheshý úshin memlekettik-jekeshelik áriptestik aıasynda jataqhanalar salý qolǵa alyndy. Memleket óz tarapynan bilim jáne ǵylym mınıstrligi arqyly jeke ınvestısıalardy jataqhana qurylysyna jumsaýǵa kepildik beredi. 2022 jylǵa deıin 25 myń oryndyq jataqhana salýdy tapsyramyn, – dedi Nursultan Nazarbaev.
