Din isteri jáne azamattyq qoǵam mınıstrliginiń Mádenıetter men dinderdiń halyqaralyq ortalyǵynyń ujymy QR Prezıdenti Nursultan Nazarbaevtyń «Prezıdenttiń bes áleýmettik bastamasy» atty úndeýi talqylaý boıynsha otyrys ótkizdi, dep jazady Qamshy.kz aqparat agenttigi.

Memleket basshysynyń usynǵan «7-20-25» jańa baǵdarlamasy: ár otbasyna jańa turǵyn úı satyp alý múmkindikteri, tómen jaldamaly jumysshylardyń jalaqysyn kóterý úshin salyq aýyrtpalyǵyn azaıtý, joǵary bilim berýdiń qoljetimdiligi men sapasy jáne stýdenttiń ómir súrý jaǵdaılaryn jaqsartý, mıkrokredıtterdi keńeıtý, sondaı-aq eldiń odan ári gazdandyrýyn qamtamasyz etý.

İs-shara barysynda Mádenıetter men dinderdiń halyqaralyq ortalyǵynyń dırektory, fılosofıa ǵylymdarynyń doktory, profesor  A.P. Abýov: «Ult Kóshbasshysy N.Á. Nazarbaevtyń bes áleýmettik bastamasy memleketimizdiń árbir azamatynyń áleýmettik-ekonomıkalyq ál-aýqatyn nyǵaıtýǵa múmkindik beredi, óıtkeni bul sala Táýelsiz Qazaqstannyń konfesıaaralyq kelisimi men birligin qurýdaǵy irgeli qabat bolyp tabylady», - dep atap ótti.

«Nur Otan» partıasynyń múshesi, fılosofıa ǵylymdarynyń kandıdaty, «Nur Qasym» qoǵamdyq qorynyń prezıdenti Tereshkýlov Aıan Baýyrjanuly óz baıandamasynda: «Prezıdenttiń bes áleýmettik bastamasy el damýynyń uzaq merzimdi basymdyqtaryn aıqyndaıdy jáne árbir azamat úshin mańyzdy mindetter qoıdy», - dedi. Óz kezeginde, Halyqaralyq Túrki Akademıasynyń jetekshi sarapshysy Kozyrev Tımýr Anatolevıch atalǵan úndeý qazaqstandyq qoǵamnyń odan ári áleýmettik-ekonomıkalyq damýy úshin qýatty draıver ekenin atap ótti.

Eske sala keteıik, 5 naýryzda Qazaqstan Respýblıkasynyń Prezıdenti Nursultan Nazarbaev QR Parlament palatalarynyń birlesken otyrysy barysynda halyqqa arnalǵan «Prezıdenttiń bes áleýmettik bastamasy» atty úndeýin jarıalady.