Memleket basshysy Qazaqstannyń barlyq áıelder qaýymyn 8 naýryz – Halyqaralyq áıelder kúni merekesimen quttyqtady, dep jazady Qamshy.kz aqparat agenttigi Aqorda taratqan aqparatqa súıenip.

 

Elbasynyń 8 naýryz – Halyqaralyq áıelder kúnine arnalǵan «Kóktem shýaǵy» atty saltanatty konsertinde sóılegen sózinen Iz vystýplenıa Glavy gosýdarstva na torjestvennom konserte «Kóktem shýaǵy», posváshennom prazdnovanıý mejdýnarodnogo jenskogo dná 8 marta

A post shared by AkordaPress (@akordapress) on Mar 8, 2018 at 1:24am PST

Nursultan Nazarbaev el ómirinde áıelderdiń erekshe ról atqaratynyna toqtalyp, Qazaqstandaǵy óskeleń jas urpaqtyń sanasyna adamgershilik qundylyqtardy sińirýdiń qajettiligin aıtty.

– Jahandaný jaǵdaıynda qyzdarymyzǵa tán asyl qasıetterdi saqtaýymyz kerek. Internet zamanynda qaptaǵan aqparattar legin birjola toqtatý múmkin emes. Árbir boıjetkenniń jaqsy men jamandy ajyrata biletin ishki súzgisi bolýy qajet, – dedi Elbasy.

Memleket basshysy qabyldanǵan bes áleýmettik bastama, eń aldymen, áıelder qaýymyna arnalǵanyn aıtty.

Nursultan Nazarbaev Qazaqstan áıelderiniń boıynda elimizdegi beıbitshilik pen birlikti nyǵaıtýǵa septigin tıgizetin meıirimdilik pen jasampazdyq energıasynyń sarqylmaıtyn kózi bar ekenin atap ótti.

– Búginde jas urpaqtyń tárbıesi men olardyń bilim alýyna baılanysty búkil salmaq sizderge túsip otyr. Bala qamqorlyǵyna qatysty negizgi mindetti ózderińizge alyp, olardyń dúnıetanymyn qalyptastyrasyzdar, ózine degen senimin jetildiresizder. Sizder óz senimderińizben, úmitterińizben jáne mahabbattaryńyzben elimizdiń jarqyn bolashaǵynyń berik negizin qalap kelesizder, – dedi Nursultan Nazarbaev.

Memleket basshysy búginde elimizde 250 myńǵa jýyq ananyń «Altyn alqamen» jáne «Kúmis alqamen» marapattalǵanyna nazar aýdaryp, memleketimizdiń qarqyndy damýyna qazaqstandyq áıelderdiń zor úles qosqanyn atap ótti.

– Jańa urpaqtyń dúnıege kelýi jáne halqymyzdyń kóbeıýi – memleketimizdiń basty strategıalyq maqsaty. Áıelder jetistikke jete almaıtyn eshqandaı sala joq. Sizder kásibılik pen sporttyń, ǵylym men saıasattyń shyńdaryn baǵyndyra alasyzdar. Qazirgi tańda úsh myńǵa jýyq doktoranttyń 60 paıyzy – áıelder. Májilis depýtattarynyń úshten birine jýyǵy – qyz-kelinshekter. Jalpy, memlekettik qyzmettegi áıelderdiń úles salmaǵy elý paıyzdan asady. Muny memleketti basqarý isiniń tıimdiligin arttyrýǵa septigin tıgizetin durys úrdis dep sanaımyn, – dedi Qazaqstan Prezıdenti.

Nursultan Nazarbaev elimizdegi barlyq er-azamattardyń atynan áıelder qaýymyn taǵy da merekelerimen quttyqtap, olarǵa baqyt, mahabbat pen baq-bereke tiledi.

Sońynda Memleket basshysy Ońtústik Qazaqstan oblysynyń turǵyny, kóp balaly ana A.Túzelbaevany «Altyn alqamen» jáne Astana turǵyny R.Aıaǵanovany «Kúmis alqamen» marapattady.