Darhan Káletaev QR Din isteri jáne azamattyq qoǵam mınıstri bolyp taǵaıyndalǵanyna týra 2 apta ótti. Eki apta ishinde eki márte Úkimet otyrysyna qatysty. Biraq, ázirge Úkimet jıynynda baıandama jasap úlgergen joq.
8 sáýir. Káletaevtyń taǵaıyndalýy Pasqa merekesine tap keldi. Sondyqtan, Din isteri jáne azamattyq qoǵam mınıstri Pravoslavıe dini – Qazaqstanda dinge senýshileriniń sany boıynsha ıslamnan keıingi ekinshi dinı baǵyt bolǵandyqtan, mınıstr retinde alǵashqy jumysyn mereke ıelerin quttyqtaýdan bastady.
9 sáýir. Pasqamen quttyqtaǵan kúnniń ertesinde-aq mınıstr Darhan Káletaev Qazaqstan musylmandary dinı basqarmasynyń tóraǵasy, Bas múftı Serikbaı qajy Orazben kezdesti. Kezdesý barysynda Din isteri jáne azamattyq qoǵam mınıstrligi men Qazaqstan musylmandary dinı basqarmasynyń arasyndaǵy yntymaqtastyq máseleleri talqylanyp, dinaralyq kelisimdi nyǵaıtý jáne azamattardyń ar-ojdan quqyqtaryn júzege asyrý máseleleri qaraldy.
11 sáýir. Qazaqstan kásipodaqtar Federasıasynyń tóraǵasy Baqytjan Ábdiraıymmen kezdesti. Kezdesý barysynda azamattyq qoǵam salasyndaǵy ýákiletti organnyń jáne kásipodaq uıymdarynyń áleýmettik seriktestikti damytý boıynsha ózara is-qımyldy nyǵaıtý máseleleri talqylandy.
13 sáýir. QR Memleketik hatshysy Gúlshara Ábdiqalyqovanyń tóraǵalyǵymen Qazaqstan Respýblıkasynyń Prezıdenti janyndaǵy Jastar saıasaty jónindegi keńesiniń HHİ keńeıtilgen otyrysyna qatysty. Osy sharadan keıin shymkenttik jas belsendilermen kezdesý ótkizip, jastardy pragmatızmge shaqyrdy.
18 sáýir. Úkimet otyrysynan keıin jýrnalıserge alǵashqy jumys kúnderi týraly aıtyp berdi. Ázirge eshqandaı kadrlyq ózgerister jasamaǵanyn, sondaı-aq, 10 jyldaı bul saladan tysqary júrgende kóp dúnıeniń ózgergenin, vedomstvo ujymynyń kásibıligine kóńili tolatynyn, aldaǵy eń mańyzdy jumys retinde Májiliske engizilgen eki zań jobasyn aıtty.
Derekkóz: kazpolit.kz
