Gennadıı Golovkınniń promoýteri Tom Leffler dopıng qoldanǵany úshin jarty jylǵa bokstan shettetilgen meksıkalyq Saýl «Kanelo» Alvarespen ekinshi kezdesýdiń qashan ótetinin aıtty. Bul týraly vesti.kz jazdy. 

Promoýterdiń aıtýynsha, ekinshi jekpe-jek meksıkalyqtyń jaza merzimi aıaqtalǵan soń uıymdastyrylady eken. 

«Aldymen biz Golovkınniń 5 mamyrdaǵy kezdesýin ótkizip alaıyq. Sodan soń Golden Boy Promotions kompanıasymen kelissóz bastap, jekpe-jekti qyrkúıek aıyna uıymdastyramyz. Bul kezdesýdi áli de jankúıerler asyǵa kútip otyr», - dedi Leffler. 

Eske sala keteıik, Golovkın men «Kanelo» arasyndaǵy kezdesý 5 mamyr kúni ótýi kerek edi. Biraq Alvarestiń  qanynan dopıng tabylyp, tamyz aıyna deıin shettetildi. Endi «Kanelonyń» ornyna otandasymyzdyń qarsylasy amerıkalyq Vanes Martırosán bolady. Jekpe-jek Los-Andjeles qalasynyń mańyndaǵy Karson qalasyndaǵy StubHub Center sport kesheninde ótedi. Bul kezdesýdi otandasymyz WBC, WBA (Super) jáne IBO belbeýlerin qorǵaıdy.