Nursultan Nazarbaev Astana ekonomıkalyq forýmyna qatysýǵa kelgeni úshin Fransýa Ollandqa rızashylyq bildirdi,-dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap. 

– Siz Prezıdent kezińizde bizdiń elde resmı saparmen bolǵan edińiz. Sonyń nátıjesinde yntymaqtastyǵymyzdy damytý úshin jaqsy jaǵdaı jasadyq, – dedi Qazaqstan Prezıdenti.

Memleket basshysy qazirgi ýaqytta Qazaqstan men Fransıa arasyndaǵy baılanystar, sonyń ishinde «jasyl» tehnologıalar salasyndaǵy yqpaldastyq nyǵaıyp kele jatqanyn aıtty.

Nursultan Nazarbaev balamaly energetıkany damytý úshin Qazaqstan tarapynan atqarylyp jatqan jumystar, sonyń ishinde «EKSPO-2017» kesheniniń bazasynda qurylatyn «Jasyl» ekonomıka ortalyǵy jóninde áńgimeledi.

Fransýa Olland kezdesýge múmkindik bergeni úshin Nursultan Nazarbaevqa alǵys bildirip, Qazaqstan Prezıdentiniń memleketaralyq baılanystardy nyǵaıtýǵa zor úles qosqanyn atap ótti.