Kúni keshe bostandyqqa shyqqan Talǵat Aıannyń feısbýktegi otbasylyq demalys kezindegi fotolaryn kórip qalyń qazaq qýandy. Talǵatty aıaǵan bılik Alash-Ordanyń 100 jyldyǵy qurmetine Qamshy portaly taǵaıyndaǵan arnaıy medaldiń ıegeri Maks Boqaevqa kelgende nege qataıyp qaldy dep oı taǵy maza bermegenin jasyrmaımyz. Sóıtip júrgende Talǵat Aıannyń feısbýk paraqshasynda birer saǵat buryn jarıalaǵan jazbasy qýanyshymyzdy sý sepkendeı basty. Maks ta bir kúni qazaq bıligiń meıirimine bólenedi degen úmit short úzileıin dep tur.  "MVD KÝIS"- ten Maks Boqaevqa jaza qoldanbaýdy talap etemin!" dep sóz bastaǵan Talǵattyń ýaıymǵa toly hatyn oqyrman nazaryna usynamyz. Bir aıta keterligi, Qamshy tilshisi Maks jazasyn ótep jatqan kolonıa ákimshiligine qońyraý shalyp, mán-jaıdy anyqtamaq bolǵan edi. Alaıda olar aýyzsha eshqandaı aqparat bere almaımyz, elektrondyq mekenjaıymyz da joq, sondyqtan resmı hat jiberińizder dep qysqa-nusqa jaýap qaıtardy. 

"Maks Boqaev 2016 jylǵy jer mıtıńilerin uıymdastyrǵany úshin Petropavl qalasyndaǵy ES-164/3 kolonıasynda jazasyn óteýde. Qazir Makske kolonıa ákimshiligi eskertý berip, qaıtadan ızolátorǵa qamap, sosyn qatań jaǵdaıǵa(SÝS, Býr.barak) jiberýi múmkin.
Maks ózi zańger, kolonıada eshqandaı tártip buzýshylyq jasamaǵanyna kepildik beremin. 
Qazir oǵan tańǵy jáne keshki tekseris kezinde, plasta, otrád basshysynyń aldyna baryp bas kıimińdi sheshpeısiń dep tıisip júr. Ol "bas kıim sheshý ádeti, baıaǵy zamandaǵy quldardyń myrzalar ótip bara jatqanda bas kıimin sheshkenmen teń. Adamnyń ar-ojdanyna nusqan keltiredi. Biraq ol zaman ótip ketti, aýrý qalsa da, ádet qalmaıdy" degen sıaqty. 
Kún saıyn eki ret, dalada plasta otrád basshysynyń aldyna baryp, bas kıimińdi sheship aty-jónińdi aıtasyń. Al basqa ýaqytta, aýlada bas kıimińdi tipti sheshýge bolmaıdy, ony ulttyq gvardıa jiti baqylap júredi, baıqamaı bas kıimińdi kıýdi umytyp ketseń, eskertý alyp, túsinikteme jazasyń.