Es-tússiz aýyr halde tósenishte jatqan balanyń tabylǵandyǵy týraly aqparat jaǵamyzdy ustatty. Adamgershilikten jurdaı júrgizýshi balany qaǵyp ketip qana qoımaı, oǵan kómek shaqyrýdyń ornyna qur tósenishke jatqyzyp ketken degen málimet paıda bolǵanda júrgizýshini qarǵap-siledik. Sóıtsek, bul qorqynyshty hıkaıanyń tek ber jaǵy eken. Araqqa sylqıa toıǵan týǵan ákesi til almaǵan óz balasyn taspen uryp, sodan soń oqıǵa ornynan qashyp ketkendigi rastaldy. Ákesiniń bul aqylǵa syıymsyz, adamdyqqa jatpaıtyn áreketi jyǵylǵanǵa judyryq boldy. Ury-qarylardan, pedofılderden, qanysher qylmyskerlerden kóz ashpaıtyn boldyq. Mıllıon adam taǵdyryna alańdaǵan balaǵa qatysty búgin jańa aqparat paıda boldy. Eýrazıa birinshi arnasynyń bergen málimetine sáıkes, týǵan ákesiniń qolynan jazym bola jazdaǵan bala búginde qajetti barlyq em-domdy alyp bolyp, aıaqqa turypty. Birneshe kúnnen soń úıine qaıtatyn bala bolashaqta basyna taǵy bir ota jasaıtyn bolady.