Aýyr atletıkadan tórt dúrkin álem chempıony Ilá Ilın Sports True baǵdarlamasyna bergen suhbatynda sporttan shettetilgeni, dopıng daýyna ushyraǵany jáne prezıdent Nursultan Nazarbaevpen dostyǵy jóninde áńgimeledi.

-Prezıdenttiń jeńisime shynaıy qýanǵanyna senimdimin. Jeńgenimdi aıtyp habarlasýǵa múmkindigim bolmaǵanda ol ózi habarlasty. Biz jıi kezdesip turamyz. Rýhanı ákem sekildi bolyp ketti. Sońǵy kezdeskenimizde, jaǵdaıymdy surap edi. Bári jaqsy dedim. Tipti dopıng daýynan keıin de prezıdent meni qoldady. «Sen men úshin chempıonsyń» degen biraýyz sózi maǵan demeý boldy, - dedi Ilın.

-İshtiń be?

-İshtim. Sol staqannan maǵan kelip-keter paıda bolmasyn bilsem de... Kóp ishtim, ata-anam da men úshin qatty ýaıymdady, kóńil-kúıleri bolmady. Marapattarymnyń bárin qaıtaryp alý jóninde aqparat shyqqanda kóńilderi tipten qulazydy. Shynymdy aıtsam, ólgim keldi. Úsh kún toqtaýsyz ishtim. Ótken jyldyń basynda Izraılge baryp, sonda ǵana óz-ózime keldim.

-Dopıng jaıly aıtsań...

-Dopıng máselesin qupıa qaldyrdym. Ol jaıynda halyqqa aıtqanym durys bolmas. Keıinirek, bálkim, aıtarmyn. Biraq túbegeıli emes. Tek aıtarym, úlken sportta repressıaǵa ushyraýyma men kináli emespin. Jeńisim adal boldy. Bir de bir sportshy kózime tike qarap turyp «seniń jeńisiń ádiletsiz» dep aıta almaıdy.

-Dopıng daýy qaıta bastalýy múmkin be? Mundaı jaǵdaıdyń qaıtalanbaýy úshin ne isteý kerek?

-Munymen jumys isteýdemiz. Tokıodaǵy Olımpıadaǵa jete almaýym múmkin. Bizge «jigitter, dopıng daýyna ushyraǵandar barmaıdy» dep aıtýy múmkin. Sol kezde elim meni jaqtaıdy. Men jazamdy ótedim, uzaq ýaqyt sporttan tasada boldym. Eger meni Tokıoǵa jibermese, muny «basynǵandyq» dep bilemin.

Aıta keteıik, 2018 jyldyń 10 maýsymynda dopıng daýynan keıin eki jyl merzimge sporttan shettetilgen qazaqstandyq aýyr atlet, álemniń tórt dúrkin chempıony Ilá Ilın sportqa qaıta oralǵan edi.