Úı jeti bólmeli, qatelespesem. Ár bólme týraly egjeı-tegjeıli @balamendana-ǵa - "Ulan" gazetine jazdyq. Ekinshi sýret "Abaı qaraǵan aınadan". Úshinshide Abaı atamyzdyń protez tisi men janynan tastamaǵan kúmis saǵaty.
Uly aqynnyń qoly tıgen zattardy kórip, emosıaǵa tooıyp qaıttym.
Qabyrǵadan Abaı atamyzǵa qyzmet etken úsh kisiniń sýretin kórdik. Olar: erli-zaıypty Qatpa men Maqyp Qoramjanovalar jáne Muhtar Básheev. 1971 jyly osy murajaı salynǵanda Maqyp apanyń kómegimen qaı jerde qandaı zattyń turǵanyn bilip, bárin Abaıdyń kezindeı jasap qoıǵan. Abaı atamyzǵa bes jyl qyzmet etip, sháıin quıyp bergen osy Maqyp apa. Esteliginde bylaı degen eken: «Abaıdyń omyraý tusynda kúmis saǵaty júretin. Otyrǵanda kóılegin kıip otyrady. Tysqa shyqqanda kostúmderin kıedi. Sary tony boldy. Sony ıyǵyna jabamyz. Aıaǵyna másili kalosh kıedi. Basyna dóńgelek bórik kıedi. Qysta saptama etik kıetin. Asty asúıde ishetin de, qonaq kelgende qonaq bólmege ótetin. Sıyrdyń sútin pisirip, mashınaǵa tartqyzyp sony ishedi. Birer staqan ǵana sháı ishedi. Etten eki-úsh japyraq qana jeıdi. Artynan hahrim deıtin aırandy qosyp azdap sorpa ishetin. Bastaryna bir-bir jastyq beremiz, soǵan qısaıatyn. Erkejannyń kıimi kóp edi. Biraq úıde qarapaıym kıinetin. Oqalaǵan kamzoly sandyqta jatatyn.
Úıdiń asty-ústi sary taqtaı bolatyn. Shoshalaǵa qamyr ıleımiz, bir pisirgende bir qap baýyrsaq pisiretinbiz. Kisi kóp. Ne kerek pisirgenimiz bir-eki-aq kúnge jetetin». Mýzeı salynyp bitken soń bir jyldan keıin qaıtys bolǵan eken.
Tańsholpan Tólegen
