Jýrnalıs, bloger Órken Kenjebektiń qazaq ınternetinde kontent jasaýshylardyń İİİ forýmynda aıtqany:

Haıp jasaý mádenıeti qalyptasty. Haıp jasaǵan 10 adamnyń 9-yn qamshymen sabap, 1-ine ǵana rızashylyq bildirgiń keledi. Sebebi haıp jasaýshylarǵa taǵylar aıyp kóp. Negizi, basty problema - neniń haıp, neniń haıp emes ekendigin ajyrata almaý. Al, jalpy ónim, qyzmet sapaly, kóńilge qonatyn bolsa, haıpke júginýdiń qajettiligi joq. Sebebi haıpty kórgen, oqyǵan adamda sol ónim ne kompanıaǵa degen senimi ulǵaımaıdy. Bul nazardy ýaqytsha aýdartý qubylysy. Ómiri qysqa, qysqasy. Kezinde Erkin Raqyshev qorqynyshty kıno túsirip kórdi. Sosyn BAQ-qa "Meniń fılmime montaj kerek emes. Bir montajıst "jasaıyn, biraq túnde emes dep ótindi" dep suhbat berdi uıalmaı. Ol kezde haıp degen túsinik joq. Shyn máninde, Raqyshevtiki naǵyz haıp boldy. Sebebi fılm shyn máninde nashar bolatyn. Osyndaı áńgime arqyly ol óz fılmine nazar aýdarylǵanyn qatty qalady. Májbúrlik ony haıp jasaýǵa ıtermeledi. Al, qazir haıpqa degen qyzyǵýshylyq bar. Bári haıp jasaýǵa qumar. Alaıda haıpty kerek ýaqytynda utymdy paıdalana bilý maqsat. Mysaly, avıata Fýrmanov kóshesindegi fılıalynyń jarnamasyn bylaı jasady: "Biz endi Nazarbaevqa jumys jasaımyz". Bul jaı ǵana mysal. Jarnama retinde qabyldamańyzdar. Ózderińiz bilesizder, sol ýaqytta kósheniń ataýy Nazarbaev bolyp ózgergen bolatyn. Olar sony utymdy paıdalana bildi.