QR Aqparat jáne komýnıkasıa mınıstri Dáýren Abaev kásipker Marǵulan Seısembaevtyń forýmdaǵy aıtqanyna pikir bildirdi. 2018 jyldyń qarashasynyń basyndaǵy forýmda Seısembaev Qazaqstanda ıdeologıanyń joq ekenin aıtqan edi.

«Belgili kásipker óz sózinde memlekettik ıdeologıalyq saıasat pen onyń tıimdiligi jaıynda oı tolǵapty. Menińshe, negizgi aıtpaǵy – durys. Rasynda, biz memleketimizde ýaqytsha júrgen adamdar emespiz, onyń bolashaǵyn oılaýymyz tıis, órkendeýi men damýy jolynda ister jasaýǵa umtylý – maqsatymyz. Biraq Marǵulan Qalıulymen kelispeıtin tustarym da jetip artylady.

Búginde elimizde «ıdeologıa» degen túsinikti sarapshylar durys paıdalanbaı keledi. Olardyń oıynsha, ekonomıkalyq, áleýmettik-saıası problemalardy túbirimen joıý úshin durys baǵyttaǵy ıdeologıa qalyptastyrý kerek. Bul – qoǵamdaǵy ıdeologıa degen túsiniktiń eń qarabaıyr túri. Ideologıany durys qalyptastyrý úshin de tıisti quraldar qajet: ınstıtýttar, áleýmettik-ekonomıkalyq jaǵdaılar jasalýy tıis», - dedi mınıstr.

Dáýren Abaevtyń aıtýynsha, Qazaqstanda ıdeologıalyq saıasat jumys istep tur. Birlik pen kelisim – ıdeologıanyń nátıjesi.

«Qazaqstanda dinı erkindik bar, qudaıǵa sene me, ateıs bola ma, musylman, álde hrıstıan bola ma, adamnyń óz erki. Álemniń ózge tustarynda ne sebepti genosıd oryn alyp jatyr. Sebebi, olar joldan taıǵandar. Bizdiń jastarymyzdyń boıynda patrıottyq sezim bar, Otanǵa qaýip tónse, óre túregeledi. Jerdiń qaı buryshynda bolmasyn, kók týymyzdy bıikte ustaıdy. Munyń ózi ıdeologıa emes pe?

Biz ózgergimiz kelmeı me? Jańaǵa umtylý – damyp jatqanymyzdyń kórinisi. Jaqsy ómir súrgiń kelse, ózgeresiń. «Rýhanı jańǵyrý» baǵdarlamasynyń aıtpaǵy da – osy», - dep sózin qorytyndylady mınıstr.

Qarashanyń basynda Astanada ótken strategıalyq bastamalar forýmyna Marǵulan Seısembaev ıdeologıalyq saıasattyń joqtyǵyn aıtqan edi.

«Elimizdegi ıdeologıa degen túsinikke saıatyn – tek «Rýhanı jańǵyrý» ǵana. Bizde ıdeologıa degen joq. Ideologıa degen kóńilińdi demep, janyńdy rahatqa bólep, uıqydan oıatýǵa sebep bolatyn bir belgisiz kúsh. Qarapaıym mysal keltirip óteıik. AQSH-tyń táýelsizdik deklarasıasynda adamnyń bári qudaı aldynda birdeı, bári derlik ómir súrýge, myqty densaýlyqqa, baqytqa quqyly. Adamnyń janyna maıdaı jaǵatyn qandaı keremet sózder. Biraq «Rýhanı jańǵyrýdyń» belgisi... Ol óz atyn shyǵarý úshin ǵana jumys istep otyrǵan korporasıa ispettes. Óz basym, maǵan múldem áser etken joq», - degen edi bıznesmen.

Marǵulan Seısembaev – elimizdiń belgili kásipkeri, ınvestor.1990 jyldary «Seımar» kompanıasynyń negizin qalady, Aláns bank pen «Kartel» (K-mobaıl) kompanıasyn basqardy.

Búginde IT-jobalar men aýyl sharýashylyǵyn belsendi qarjylandyryp júrgen bıznesmen. Qoǵamdy alańdatatyn máselelerde ashyq pikir bildirip júrgen isine, sózine adal ultjandy azamat.

Jýrnalıserge kópten beri suhbat bermeı júrgen Marǵulan Seısembaev Tengrinews.kztilshisimen suhbattasyp, ómirlik ustanymy, bıznes jolyndaǵy qıyndyqtary, qoǵamdaǵy ózekti máseleler jaıly aıtyp berdi. Qamshy.kz aqparat agenttiginiń tilshisi suhbatty qazaq tiline aýdaryp, oqyrman nazaryna usynǵan edik.