Qazaqstan musylmandary dinı basqarmasynyń negizgi jumys baǵyttarynyń biri - halyqty dinı aǵartý, dástúrli emes dinı jolda júrgen azamattarǵa túsindirý is-sharalaryn uıymdastyrý, nasıhat júrgizý dep jazady Qamshy.kz aqparat agenttigi muftyat.kz saıtynyń deregine súıenip.
Ýaǵyz-nasıhat salasynda atqarylǵan jumystardyń esebi boıynsha, bıyl elimizden 518 azamat radıkaldy raıynan qaıtty. Dástúrli dinge oralǵan azamattardyń birqatary dinı kózqarastary men ustanymdaryn resmı túrde málimdedi.
Jat aǵymnyń jeteginde júrgen jandardy destrýktıvti aǵymdy nasıhattaýshy azamattardyń salt-dástúrge, ádet-ǵurypqa, memlekettik rámizderge qaıshy kózqaras qalyptastyratyn sózderi qanaǵattandyrmaǵan.
Aıta keteıik, Qazaqstan musylmandary dinı basqarmasy janynan qurylǵan respýblıkalyq, jergilikti aqparattyq-nasıhat toby jyl boıy josparly jumys negizinde túsindirý sharalaryn júzege asyrdy. 2018 jyly 347 adamnan quralǵan respýblıkalyq, jergilikti aqparattyq-nasıhat toby 7 294 ret jalpy jáne jeke kezdesý ótkizdi. Oǵan barlyǵy 646 056 adam qatysqan.
