2018 jyly QMDB Sharıǵat jáne pátýa bóliminiń mamandary 5 922 adamnyń suraǵyna jaýap bergen. Suraqtardyń basym bóligi www.fatua.kz saıtyna kelip túsken. Jeke pátýa surap kelgen adam sany 1750-ge jetken. Al múftıatqa qońyraý shalyp, kókeıde júrgen saýalyna jaýap alǵan azamattar sany – 1590.

Sharıǵat jáne pátýa bóliminiń meńgerýshisi Sansyzbaı qajy Qurbanulynyń aıtýynsha, «qursaqtaǵy balanyń kemistigin anyqtaý men emdeýdegi zamanaýı ádisterdi qoldanýdyń úkimi», «deldaldyq qyzmettiń úkimi», «bolashaq balanyń jynysyn tańdaýdyń úkimi», «valúta kýrsynyń ózgerýine baılanysty qaryzdy qaıtarýdyń úkimi», «káriz sýlaryn tazalaǵannan keıin qaıta qoldanýdyń úkimi», t.b. máselede 11 pátýa men QMDB-nyń ustanymy qabyldanǵan.

Sonymen qatar, 160 ımam qyzmettik saraptamadan ótkizilgen. Budan bólek 422 ımam-ustaz attestasıadan ótken. 43 kitapqa saraptaý jumysy júrgizilgen.