Bas prokýratýra elde sońǵy ýaqytta qoǵamdyq rezonans týdyrǵan birneshe oqıǵaǵa qatysty málimdeme jasady.
Almaty oblysynda kıiz úıde bı bılegen jastardyń áreketi boıynsha Qylmystyq kodekstiń 174-baby (alaýyzdyq qozdyrý) aıasynda tergeý júrgizilýde.
Sondaı-aq, arabsha jazýy bar týmen sýretke túsken nıkabtaǵy tórt qyz usaq buzaqylyq boıynsha ákimshilik jaýapqa tartyldy. Olardyń biri 15 táýlikke qamalsa, ózgelerine aıyppul salynǵan. Bul oqıǵa Atyraý oblysynda bolǵan. Sonymen qatar, bul fakti boıynsha memlekettik rámizderdi qorlaý babymen (QK 372-bap) tergeý bastalǵan.
Bas prokýratýra Ozon marketpleısinde arabsha jazýy bar memlekettik týdyń satylýyna baılanysty jarnamalardyń joıylǵanyn málimdedi. Quqyq qorǵaý organdary saıt ákimshiligine zań buzýshylyqtardy joıý jóninde usynys joldaǵan.
Mádenıet jáne aqparat mınıstrligi onlaın platformalarda dinı materıaldardy satýǵa qatysty zańnamalyq retteý máselesin qarastyryp jatyr. Jastar arasynda dinı ekstremızmniń aldyn alý maqsatynda aqparattyq-túsindirý jumystary júrgizilýde.
Oqý-aǵartý mınıstrligi mektepterde "Zaıyrlylyq jáne dintaný negizderi" kýrsyn engizse, joǵary oqý oryndarynda din salasyna arnalǵan jańa bilim berý baǵdarlamalary ashylyp jatyr.
