Jelide Gennadıı Golovkınniń Tom Lefflermen shartyn ne úshin buzýy múmkin ekeni týraly túrli pikirler aıtýda. Sheteldik bokssúıer qaýym Twitter jelisinde burynǵy álem chempıony, qazaqstandyq boksshy Gennadıı Golovkınniń promoýteri Tom Lefflermen seriktestigin toqtatýy múmkin degen habarǵa qatysty pikirlerin bildirip jatyr dep jazady Qamshy.kz aqparat agenttigi sputniknews.kz saıtynyń deregin negizge alyp. 

Jeli qoldanýshylarynyń bul jaıyndaǵy oıy qarama-qaıshy bolyp shyqty. Bireýler "Leffler boksty túsinbeıdi", "Lefflermen seriktestigi úshin Golovkın murasynan aıyrylýy múmkin", "Golovkın Lefflermen birge juldyz bola almaıdy", "Baıaǵyda basqa promoýterge ketýi kerek edi" dep qýanyshyn jasyrmady.

"Golden Boy "Kanelony" paıdalanǵandaı, Leffler de GGG-di, paıdalanǵysy keldi — onyń bedeli arqyly jekpe-jek kúnin de belgilep otyr", — deıdi qoldaýshylardyń biri.

Degenmen, Gennadııdiń Tom Lefflermen qosh aıtysatynyna sengisi kelmeı  jatqandar da tabyldy.

"Tom Leffler Golovkınge árqashan adal boldy, ony múltımıllıonerge aınaldyrdy. Sonymen birge mansabyn aıaqtamasa, ókinishti", — deıdi qoldanýshylardyń biri.

Budan bólek, Golovkın endi Eddı Hırnmen birge jumys istese degen de  tilek aıtylypty.