Qazaqstanda 2015 jyly  zeınetaqy zańnamasy ózgertilgennen keıin, 2018 jyldan bastap kezeń-kezeńmen ár 6 aı saıyn áıelderdiń zeınetkerlik jasy kóterilip jatyr.  2027 qaraı olardyń zeınetkerlikke shyǵý jasy erlerdiń zeınetkerlik jasymen teńesip, 63 jasty quraıtyn bolady. Bul týraly Eńbnk jáne halyqty áleýmettik qorǵaý mınstrliginiń baspasóz qyzmeti habarlady.

2018 jyly birinshi kezeńde áıelderdiń zeınetkerlikke shyǵý jasy 2017 jylmen salystyrǵanda 6 aıǵa uzartylyp, 58,5 jasty qurady. Erler úshin zeınetkerlikke shyǵý jasy burynǵysynsha 63 jas bolyp qaldy. Sáıkesinshe, 1960 jyldyń birinshi jartysynda týǵan áıelder, 2018 jyldyń ekinshi jartysynda zeınetkerlikke shyqty.

2019 jyldyń 1 qańtarynan bastap áıel azamattardyń zeınetkerlikke shyǵý jasy taǵy 6 aıǵa uzaryp, 59 jasty qurady.  Aǵymdaǵy jyly 1960 jyldyń ekinshi jartysynda týǵan áıelder zeınetkerlikke shyǵady.

Munymen qatar,  2018 jyldyń 1 shildesinen bastap bazalyq zeınetaqy  belgileýdiń jańa ádistemesi engizilip otyr. Bazalyq  zeınetaqyny esepteý júıesi ózgerip, oǵan sáıkes bazalyq zeınetaqy kólemi artty. Jańa júıe boıynsha onyń mólsheri eńbek ótiline qaraı ózgeretin bolady. Jumys tájirıbesi 1998 jyldyń 1 qańtaryna deıin jáne odan keıin de jınaqtalǵan ótili  esepke alynady.

Sondaı-aq, zeınetaqy júıesindegi ótili, bazalyq zeınetaqyny esepteýde esepke alynady. Oǵan 3 jasqa deıin bala kútimimen otyrǵan kezeń,  (jalpy alǵanda 12 jylǵa deıin), múgedek-balany baǵyp-qaǵý, áskerı qyzmettegi jubaılardyń birge turýy (merzimdi áskerı qyzmettegilerden basqa), olardyń jumysqa turý múmkindigi bolmaǵan, jergilikti jerdegi arnaıy memlekettik qyzmetkerlerdiń (jalpy alǵanda 10 jyldan aspaýy kerek) jáne t.b.

Sondaı-aq, 2014 jyldan bastap jumys istep júrgen 1 jasqa deıin bala kútimimen demalysta otyrǵan áıelderge    respýblıkalyq búdjetten 10 paıyz mindetti zeınetaqy jarnasyn sýbsıdıalaý enigizildi.

 2020 jyldan bastap shartty-jınaqtaýshy  komponent engiziledi. Ol zeınetaqy jınaǵynyń kólemin 5 paıyzdyq mindetti zeınetaqy jarnasy esebinen ósirýge baǵyttalǵan. Ony jumys berýshi jumysshylarynyń paıdasyna óz qarajatynan tóleıdi. 

Munyń bári áıel azamattarǵa zeınetaqy jınaǵynyń kólemin jáne eńbek ótilimin arttyrýǵa múmkindik beredi. Bul bazalyq zeınetaqyny belgileýde esepke alynady.

Osylaısha áıelderdiń erte zeınetkerlikke shyǵýy barysynda barlyq qoldanystaǵy jeńildikter saqtalady:

Birinshiden, bes bala týǵan jáne 20 jyl eńbek ótili bar áıelder 53 jasynda zeınetkerlikke shyǵýǵa quqyly;

Ekinshiden, tótenshe jáne radıasıalyq táýekeli bar aımaqtarda jáne Semeı ıadrolyq synaq polıgonynda  5 jyldan az emes ýaqyt turǵandar 45 jasynda zeınetkerlikke (20 jyl eńbek ótili bolýy kerek)shyǵady; 

Úshinshiden, jınaqtaýshy zeınetaqy júıesine qatysýshylar úshin zeınetaqy anýıtetin ıelenýi jaǵdaıynda zeınetaqy jınaqtary  jetkiliktiler 2019 jyly 51 jastan  zeınerkerlikke erte shyǵa alady; 

Áıelderdiń zeınetkerlikke shyǵý jasynyń kestesi

2018 jyldyń 11 aıynyń qortyndysy boıynsha búdjetten bólingen jıyntyq zeınetaqynyń ortasha kólemi  81 159 teńge, 2017 jyldyń oys kezeńimen salystyrǵanda zeınetaqynyń ortasha kóleminen 23 paıyzǵa artyq. (2017 jyldyń 1 jeltoqsanynda búdjetten jıyntyq zeınetaqynyń ortasha kólemi– 65 935 teńge).2018 jyldyń 1 jeltoqsanynda  jasy boıynsha  zeınetaqy alatyndardyń jalpy sany  – 2 172,9 myń adamdy qurady.