Májilis depýtaty Bekbolat Tileýhan jastar jylynda ulttyq kodqa aıryqsha nazar aýdarýǵa shaqyrdy, dep habarlaıdy Qamshy.kz aqparat agenttigi Sputnik Qazaqstan caıtynyń deregin negizge alyp.
Jastar saıasatyn júzege asyrý máseleleri qaralǵan úkimet saǵatynda depýtat Bekbolat Tileýhan jastar arasyndaǵy birqatar ózekti problemaǵa toqtaldy. Májilismen bir agenttiktiń jastarǵa qatysty júrgizgen zertteýiniń nátıjeleri týraly aıtty.
"Zertteýge súıensek, Qazaqstandaǵy jastar jumys, kásip degende, oǵan ómiriniń máni retinde emes, tek aqsha tabýdyń kózi dep qana qaraıdy. Al negizi kásip adam ómiriniń máni bolýy tıis emes pe? Qazirgi jastardyń oıy Astanaǵa kelip, memlekettik qyzmetke ornalasý, ıaǵnı jastardyń sanasynan jasampazdyq degen nárse ketip bara jatyr. Jastar oqýǵa yntaly emes, kóbi keleshek mamandyǵyn tańdaǵan kezde aǵaıyn-týysqannyń keńesine qulaq asady, jalpylama steoretıpterdi negizge alyp, tańdaı salady. Jastardyń oqý prosesine formaldy qaraıtyny jasyryn emes, áıteýir bir dıplom alsam boldy dep qaraıdy", - dedi depýtat.
Osy oraıda Tileýhan urpaqtar sabaqtastyǵyn alǵa tartyp, jastar problemasyn eńserýdiń birneshe jolyn kórsetti. Onyń birden bir joly – ulttyq negizge, ulttyq kodqa oralý.
Jastar saıasatyn júzege asyrý máseleleri qaralǵan úkimet saǵatynda depýtat Bekbolat Tileýhan jastar arasyndaǵy birqatar ózekti problemaǵa toqtaldy. Májilismen bir agenttiktiń jastarǵa qatysty júrgizgen zertteýiniń nátıjeleri týraly aıtty.
"Zertteýge súıensek, Qazaqstandaǵy jastar jumys, kásip degende, oǵan ómiriniń máni retinde emes, tek aqsha tabýdyń kózi dep qana qaraıdy. Al negizi kásip adam ómiriniń máni bolýy tıis emes pe. Qazirgi jastardyń oıy Astanaǵa kelip, memlekettik qyzmetke ornalasý, ıaǵnı jastardyń sanasynan jasampazdyq degen nárse ketip bara jatyr. Jastar oqýǵa yntaly emes, kóbi keleshek mamandyǵyn tańdaǵan kezde aǵaıyn-týysqannyń keńesine qulaq asady, jalpylama steoretıpterdi negizge alyp, tańdaı salady. Jastardyń oqý prosesine formaldy qaraıtyny jasyryn emes, áıteýir bir dıplom alsam boldy dep qaraıdy", - dedi depýtat.
Osy oraıda Tileýhan urpaqtar sabaqtastyǵyn alǵa tartyp, jastar problemasyn eńserýdiń birneshe jolyn kórsetti. Onyń birden bir joly – ulttyq negizge, ulttyq kodqa oralý.
"Ol seniń genetıkalyq jadyńda qalyp qalǵan dúnıeler. Mysaly úshin jastar arasynda mıgrasıalyq kóńil-kúı qyryq prosentke kóterildi deımiz. Eger onyń sanasyna jaqsylap quısaq, "ıt – toıǵan jerine, er – týǵan jerine" degende adamda namys oıana ma, oıanady. Ajyrasýdyń kóbeıýin aıtyp jatsyzdar. Qazaq aıtady "qaıtyp kelgen qyz jaman, qaıta shapqan jaý jaman" dep. Osyny sanasyna sińirýge bola ma, bolady. Biraq, ókinishke qaraı, Astananyń oqýshylaryna "prezervatıv" taratyp otyrǵanda, myńq etpegen Bilim jáne ǵylym mınıstrliginiń ımandy urpaq ósirýge bet buratynyna kúmánim bar. Desek te, bul máseleni de qolǵa alý kerek, bul da bizdiń ulttyq kodymyzda bar nárse", - dedi Tileýhan.
Sonymen qatar, depýtat jastardyń kásipke, eńbekke salǵyrttyǵyna da toqtaldy.
"Qazaqta "taýyp alǵan altynnan, terlep tapqan tıynym berekeli" degen sóz bar. Osyny ne arqyly sińiremiz? "Rýhanı jańǵyrý", "Uly dalanyń jeti qyry" arqyly sińetin nárse. Bıyl jastar jylynda dástúrge, ulttyq negizge, ulttyq kodqa burylý degen máselege tereńirek kóńil bólýdi usynar edim", - dep qorytty sózin májilismen.
Usynǵan: Ásel Bolatqyzy
