Bul týraly Memleket basshysy «Nur Otan» partıasynyń kezekti XVIII Sezinde aıtty, dep habarlaıdy Qamshy.kz aqparat agenttigi.

Sıez barysynda «Nur Otan» partıasynyń el damýyndaǵy mańyzdy róline toqtalǵan Elbasy memlekettiń qýattylyǵy halyqtyń turmysymen ólshenetinine nazar aýdardy.

– Memlekettiń qýattylyǵy ekonomıkanyń damý qarqynymen, turǵyndardyń turmys sapasymen ólshenedi. Sondyqtan men ózime senim artqan halqymdy bolashaqta emes, qazir baqytty bolǵanyn kórgim keledi, – Nursultan Nazarbaev.

Sondaı-aq Memleket basshysy, «Nur Otan» partıasynyń Tóraǵasy Nursultan Nazarbaev Sıeziń mańyzy týraly aıtty.

– Bas partıa bolý degen basqarý emes, elge adal qyzmet etý bolyp sanalady. Biz halyq birliginiń partıasymyz. Búgingi Sıez Qazaqstandy damytýdyń jańa kezeńinen jol ashyp otyr, – dedi Memleket basshysy.

Aıta keteıik, búgin Astanada «Nur Otan» partıasynyń kezekti XVIII Sezi ótýde. Oǵan elimizdiń barlyq óńirinen kelgen 2000-nan astam delegat qatysýda. Sıeze partıanyń 2030 jylǵa deıingi jańa baǵdarlamasy qabyldanyp, aldaǵy baǵyt-baǵdary aıqyndalady dep josparlanýda.