Astana qalasynda Nursultan Nazarbaev tóraǵalyǵymen "Nur Otan" partıasynyń XVIII sezi ótip jatyr. Sıez partıanyń 20 jyldyq mereıtoıyna oılastyrylǵan, dep habarlaıdy Qamshy.kz aqparat agenttigi.

Áleýmettik salaǵa kóp kóńil bólý kerektigi týraly aıtylǵan Elbasynyń Alǵy sózi jemqorlyq máselesine ulasty. Óz sózinde Nazarbaev jemqorlyqty joıýdy maqsat tutý kerektigin eskerdi.

"Jemqorlyqty joıýǵa qatty kóńil bólý kerek. Ásirese, jastar arasynda. Bıyl jastar jyly, olar - bizdiń bolashaǵymyz. Al partıa jas kadrlardy qoldaýǵa kóńil bólsin. "Nur otan" músheleriniń bári naǵyz ultjandy bolyp, joǵary qurmetke ıe bolýy kerek. Biz búgin san qýalamaı, sapaǵa kóshemiz. Partıa músheleriniń sapasy mańyzdy

Partıalyq sharalardyń báriniń mazmunyna asa kóńil bólý kerek. Biz halyqtyń shyn jaǵdaıymen tanysyp, sheshimderdi usynýymyz kerek. Bul bizdiń qoldan keledi", - dedi Nazarbaev.

Nursultan Nazarbaevtyń sezdegi baıandamasy jarty saǵatqa sozyldy. Prezıdent naqty tapsymalardan bastaǵan baıandamasyn qarapaıym tilmen aıaqtap, partıalyqtaǵa senetinin aıtty.

Elbasynyń sózi "Alǵa, "Nur Otan" degen uranmen aıaqtaldy.

Usynǵan: Gúlim Jaqan