Áıelder merekesiniń negizin qalaýǵa jeńiljúristilerdiń saıası belsendiligi túrtki bolǵanyn "betkebasqyshtar" kóbeıdi. Artyn qaza bersek, qasıetti eshteńe tappaı qalamyz. Atalmysh datany "buzylǵan meıram" deıtin "perishtelerge" keńes:

1.Qolyńyzdaǵy “Aıfon" men “Aıpadty” tezirek qoqysqa laqtyryńyz. Óıtkeni, “Apple-diń” basshysy Tımotı Donald Kýk basymen ǵana emes, "artymen" de jumys isteıtin adam. "Geılerge" qatysy bar zatpen "pák qolyńyzdy" nege bylǵaısyz? Tfý, kápir... Aıtpaqshy, Stıv Djobs jas kezinde nashaqor ári “babnık” bolǵan. Boıynda arabtyń qany bolsa da namazhan emes. 

2. Krıstıan Dıor, Djon Galáno, Djordjıo Armanı sıaqty tanymal dızaınerlerdiń "mahabbaty" da "kógerip" ketken eken. Álemdegi sándik sýperbrendterdiń basym kópshiligin "geı-dızaınerler" basqaratyny jasyryn emes. Shanel men Lýı Vıtton sıaqty "múıizi qaraǵaıdaı" tulǵalar negizin qalaǵan brendter "kók kóılektilerdiń" jetekshiliginde. Jastardy qoıshy, ústińizdegi kıim úlgisine de ”jezókshe-dızaınerlerdiń” qatysy bolýy múmkin. Nege bárin sheship tastap, qazaqı shapanmen júrmeısiz?

3.Balańyzdy mýzykalyq mektepke bermeńiz. Ol jerde Chaıkovskııdiń mýzykasyn oınatady. Petr Ilıchtiń “buzylǵan adam” bolǵanyn biletin shyǵarsyz? Eskendir Zulqarnaıyn (Aleksandr Makedonskıı) týraly poema esińizde bolar? Eskendirdi uly obrazda jadymyzda qaldyraıyq. Onyń "artqumarlyǵyn" bilseńiz, ol týraly kitapty otqa jaǵa bastaısyz ba? “Kógildir sezimdi” tanymaldardyń tizimin jasasaq, kóp nárseden kóńil qalady. Endeshe, “jaman ıisi” bar jerdi shuqylaı berýdiń qandaı qajeti bar? 

QYSQASY mynaý:

“Dızaıner-qyzteke” oılap tapqan kıimdi kıip, “lesbıankalar” shyǵarǵan ónimdi tutynyp, “kók-erkek” basqaratyn banktiń kártishkisin paıdalanyp, shoshqa eti (baıqamaı) qosylǵan "xalal" tamaqty jep, soǵysta atańdy atyp óltirgen nemistiń "Mersedesine" raxattana minip, qazaqty qoısha qyrǵan xalyqtyń urpaǵymen “dos-tamyr” bolyp júrgenińizdi umytpańyz. Ýkol salar aldynda jambasyńyzǵa "xalal sút" emes, "xaram spırt" jaǵatynyńyz da esten shyqpasyn.

R.S. Áıelderdi 8 naýryzda (bir kún) ǵana emes, jyl on eki aı boıy qurmettep, kún saıyn syılyq jasaý kerek deıtin “danyshpandarǵa” aıtarym: "Astana Kúnin” 6 shildede ǵana emes, kún saıyn nege toılamaısyzdar?

Serik Abas-shahtyń Instagram-daǵy paraqshasynan alyndy

Usynǵan: Gúlim Jaqan