Almatyda týǵan 25 jastaǵy Dıana Rıchmondtyń ákesi katolık dinin ustanǵan anglıalyq bolsa, anasy qazaq bolǵan. Dıananyń ákesi qyzyn katolık dinin ustanyp, tárbıelengenin qalaǵan. Alaıda Dıana Islam dinin tańdaıdy. Dıana osydan birneshe jyl buryn hıdjab kıgenin, alaıda keıin hıdjabtan bas tartqanyn aıtty dep jazady Qamshy.kz aqparat agenttigi newtimes.kz saıtynyń deregin negizge alyp. 

Dıana mektep bitirip Dýbaıǵa oqýǵa ketedi. Sol jaqta júrgen kezde arab jigitin kezdestirip, jaqyn aralasa bastaıdy. 

"Men sol jaqta arab jigitin unattym. Biz 1 jyldan astam ýaqyt jaqyn aralasyp júrdik. Keıin men hıdjab kıýge bekindim. Jigitim jáne onyń otbasy qatty qýandy. Al meniń ata-anam buǵan qoldaý bildire qoımady. Ákem katolık dinin ustanǵanymdy qalady. Meniń hıdjab kıgenim ákem úshin aýyr soqqy boldy. Tipti biraz ýaqyt boıy menimen sóılespeı qoıǵan",- deıdi Dıana. 

Alaıda Dıana toıǵa deıin túsinispeýshilik oryn alyp, arab jigitpen qosyla almaǵan. Keıin araǵa 1 jyl salyp hıdjabtan bas tartqan. 

"Kópshilik oranǵan qyzdy kórgen kezde onyń pák, taza dep oılaıdy. Men buǵan laıyq bolmadym. Meniń ishki dúnıem saı kelmedi. Sol sebepti ekijúzdilik tanytqym kelmedi. Keıin hıdjabtan bas tarttym. Meniń bul sheshimimnen keıin birneshe dos-jarandarym menimen aralaspaı qoıdy",- deıdi 25 jastaǵy Dıana. 

Dıananyń aıtýynsha, arab jigitteri ýádege berik, aıtqanyn oryndamaı qoımaıdy. Biraz ýaqyt ótken soń Dıana Qazaqstanǵa demalýǵa keledi. Sol kezde ol bolashaq jaryn jolyqtyrady. Qazir Dıana qazaq jigitine kúıeýge shyqqan.  Biraq birinshi qyzdy dúnıege ákelgennen keıin Arabıaǵa kóship ketedi. 

"Men oqýymdy jalǵastyramyn. Ájem balaǵa qarady. Al kúıeýim jumys izdedi, biraq tappady. Kúıeýime Arabıa asa unamaıtyn. Keıin oǵan Qazaqstannan jaqsy jumys usynyp, elge oraldy. Men oqýymdy aıaqtap baramyn dedim. Oqýymdy aıaqtaǵannan keıin men de Qazaqstanǵa oralamyn. Sol jaqta bıznes ashsam degen josparym bar",- dedi Dıana. 

Aýdarǵan: Ásel Bolatqyzy