AQSH-tyń Las-Vegas qalasynda ótip jatqan aýyr atletıkadan jasóspirimder arasyndaǵy álem chempıonatynda 67 kelige deıingi salmaqta synǵa túsken qazaqstandyq ziltemirshi Saıhan Taısýev chempıon atanyp qana qoımaı, álem rekordyn jańartty, - dep habarlaıdy Qamshy.kz aqparat agenttigi Olympic.kz saıtyna silteme jasap.
Julqa kóterýde 127 kelini, serpe kóterýde 161 kelini eńsergen Taısýev qossaıys qorytyndysy boıynsha 288 kelini baǵyndyrdy. Bul óz qatarlastary arasynda álem chempıony ataný úshin jetkilikti kórsetkish edi.
Odan bólek, Saıhan Taısýev serpe jáne julqa kóterýden kishi altyn júldeni de óz enshisinde qaldyrdy. Qazaqstandyq ziltemirshi serpe kóterýden jasóspirimder arasyndaǵy álem rekordyna da túzetý engizdi. Bul Qazaqstan sportshylarynyń álemdik syndaǵy ekinshi altyn medali. Keshe Aqmolda Saıramkez 61 kelige deıingi salmaqta top jarǵan. Qazaqstan jasóspirimder quramasyn belgili aýyr atlet Baqyt Ahmetov jattyqtyrady.
