Qazaqstandyq olımpıada chempıony Dmıtrıı Balandın Slovenıada ótip jatqan halyqaralyq týrnırdiń ekinshi kúni eki altyn utyp aldy, - dep habarlaıdy Qamshy.kz aqparat agenttigi Olympic.kz saıtyn silteme jasap.

Bul joly Balandın 100 metrlik bras ádisimen júzip, birinshi orynǵa ıe boldy.

Áıelder arasynda bul baǵdarlamada Adelaıda Pchelınseva 2-oryn aldy.

Al Dıana Nazarova arqamen júzý boıynsha 50 metrlik qashyqtyqta birinshi boldy. Anastasıa Rezvanseva shalqalap júzý boıynsha 200 metrde altyn medaldy utyp aldy.

Ádilbek Mýsın 50 metrge baterfláı júzý ádisinde aqtyq márede jeńiske jetti.

Biriktirilgen erler  estafetasynda "4 júzýshi 100 metrden" (Dmıtrıı Balandın, Aleksandr Varakın, Ádilbek Mýsın, Ádil Qasqabaı) tórttigi jeńiske jetti.

Al áıelder dál osy baǵdarlama boıynsha (Anastasıa Rezvanseva, Adelaıda Pchelınseva, Dıana Nazarova, Alına Kostenko) qola medalǵa ıe boldy.

Osyǵan deıin Balandın bras ádisi boıynsha 50 jáne 200 metr qashyqtyqtarynda úzdik atanǵan edi.

Usynǵan: Maqpal Sembaı