Ýkraınanyń jańadan saılanǵan prezıdenti Vladımır Zelenskıı reseılik kóshbasshy Vladımır Pýtınniń DHR jáne LHR turǵyndaryna Reseı pasportyn berý týraly sheshimine qatysty ashshy pikir bildirdi.

"Vladımır Zelenskııdiń reseılik tólqujatqa qatysty pozısıasy týraly, Ýkraına azamattarynyń nazaryna!"

Reseı qazirgi ýaqytta Ýkraınanyń qaramaǵyna kirmeıtin aımaqtarǵa óz pasporttaryn berý arqyly okýpant-memleket jaýapkershiligin júktep otyr. Bul áreketi Reseıdiń Ýkraınaǵa aıtarlyqtaı qysym jasap otyrǵanynyń aıqyn kórinisi.

"Ókinishke qaraı, bul qaýly bizdiń negizgi sheshimdi qabyldaýymyzǵa túrtki bolyp otyr", - delingen málimdemede.

Kez-kelgen jaǵdaıda Ýkraına tartyp alynǵan aımaqtardaǵy óz azamattarynyń quqyǵyn qorǵaý úshin, qaýipsizdigin saqtaý úshin aıanyp qalmaıdy-mys. Sondaı-aq, Ýkraına ýaqytsha okýpasıalanǵan terıtorıalardaǵy azamattar quqyǵyn qorǵaý úshin halyqaalyq uıymdardyń kómegine júginbek.

Vladımır Zelenskııdiń jańashyldyqtarynyń biri bolyp, okýpasıalanǵan aımaqtardaǵy azamattardyń ahýalyn jaqsartý, tartyp alynǵan jerlerdi memleket qaramaǵyna qaıta engizý sanalady.

Málimdeme sońyna "Donbass – bul Ýkraına" degen sóz bar.

Eske sala keteıik, keshe Vladımır Zelenskıı óziniń áleýmettik jelidegi paraqshasynda atalmysh máselelerge qatysty óte kólemdi post salǵan edi.

Usynǵan: Ádilet Mádenıet