Qazannyń 1-i kúni Qytaı Komýnıstik partıanyń  70 jyldyǵyn Pekınde sherýletip jatqan kezde, Qytaıǵa jartylaı baǵynatyn Gonkong halqy narazylyq bildirip, polısıamen qaqtyǵysqa túsýin jalǵastyrýda.  

 Halyqtyń narazylyq aksıasy úsh aıdan astam ýaqytqa sozylǵan. Aksıaǵa sebep bolǵan jaǵdaıdyń biri tutqyndardy Qytaıǵa ekstradısıalaý týraly zań jobasyna qarsylyq.

Álemniń 24 elinde, 65 qalada Gonkongtegi narazy topty qoldaý aksıasy bolyp ótti. Elimizdiń Nur-Sultan, Almaty qalalary da 29 qyrkúıek kúni 50-ge jýyq adam narazylyq sharasyn ótkizdi.

Búginniń ózinde Gonkongtaǵy narazylyq basylar emes. Belsendiler snarád, benzındi bombamen qarýlanyp, Gonkongtyń birneshe aýdandarynda polısıamen qaqtyǵysyp jatyr dep habarlaıdy BBC News  aqparattyq agenttigi.

Polısıa 269 adamdy qamaýǵa alyp, 100-den astamy aýrýhanaǵa jetkizildi. Seısenbi kúngi oryn alǵan qaqtyǵys kezinde polısıa 900 rezeńke oq pen 1400 kózden jas aǵyzatyn gaz oǵyn shyǵarǵan.

Jeksenbi kúngi bolǵan qarsylyq kezinde ındonezıalyq «Sýara» gazetiniń jýrnalısine rezeńke oǵy 12 metr qashyqtyqta kózine tıgen. Jýrnalıstiń advokaty Maıkl Vıdlerdiń aıtýynsha: «Ol aýrýhanaǵa jetkizildi. Dárigerler onyń máńgilikke kórý múmkindiginen aıyrylǵanyn málimdedi.»