Áleýmettik jelide ózin prezıdent Qasym-Jomart Toqaevtyń naǵashy qaryndasymyn degen Jumagúl Zamzaeva esimdi kelinshektiń prezıdentten kómek suraǵan vıdeosy tarap jatyr. Kelinshek quqyqtyq bassyzdyqqa tap bolǵanyn, balasynyń ústinen qozǵalǵan is ádil ótpeı jatqanyn aıtady.

Ol vıdeoda uly 7 aıdan beri Almatydaǵy tergeý ızolátorynda jatqanyn, prezıdentten kómek suraýǵa májbúr bolyp turǵanyn jetkizgen.

Sózinshe, jazǵan hattaryna bas prokýratýra men joǵarǵy sottan esh jaýap bolmaǵan. Ózi 14 jasqa tolmaǵan balalar men múgedek kúıeýin tastap 3 aptadan beri astanada júrgenin aıtady.

Kelinshek Toqaev syrtqy ister mınıstri bolyp turǵanda týystarynyń basyn qosyp turatyn, qolyndaǵy sýret sondaı jıyndardyń birinde túsirilgen deıdi. Biraq prezıdent bolǵaly ony kórmegenin, umytyp qalmasa Toqaev ózin tanýy kerek ekenin atap ótti.

Jumagúl Zamzaeva kúıeýi Toqaevqa aǵa, ózi naǵashy qaryndas bolyp keletinin, biraq prezıdentke týysy emes, qarapaıym azamat esebinde úndeý jasap otyrǵanyn jetkizdi. "Basqa amalym qalmady, prezıdentti jibi túzý adap dep tanımyn, máseleme nazar aýdarsa, birden sheshiler edi" deıdi.