Ádilet mınıstri Qanat Mýsın tuńǵysh prezıdent týraly normalardy ózgertý qalaı júrgiziletinin aıtyp berdi, dep jazady QazAqparat.
– Qylmystyq kodeks boıynsha Prezıdenttiń ar-namysy men qadir-qasıeti úshin jaýapkershilikti kózdeıtin jalpy bir bap qalady. Bul – barlyq prezıdentterge ortaq. Elbasy úshin bólek (QR tuńǵysh prezıdentin qorlaǵany úshin – red.) bap bolmaıdy, – dedi Qanat Mýsın Senat kýlýarynda tilshilerge bergen suhbatynda.
Mınıstrdiń aıtýynsha, eks-prezıdentter tek memleketke opasyzdyq jasaǵany úshin ǵana jaýapqa tartylýy múmkin. Sonymen birge, Q. Mýsın tuńǵysh prezıdent týraly zańnyń kúshi qalaı joıylatynyn aıtty.
– Konstıtýsıadan tuńǵysh prezıdent týraly jeke zań bolýy kerek degen norma alynyp tastalǵandyqtan, tıisinshe bul zań bárinen alynýy kerek. Bul Konstıtýsıada qabyldanǵan ózgeristerge sáıkes jekelegen zańnamalyq aktilerge ózgerister engizý týraly zań jobasy aıasynda bolady. Ony bıyl Parlamenttiń qaraýyna engizedi", – dedi mınıstr.
Pikir qaldyrý