Орал қаласында 12-қабаттағы балконнан құлаған ер кісі қайтыс болды, - деп хабарлайды Qamshy.kz «Уральская неделяға» сілтеме жасап.

Қайғылы оқиға Оралдың Достық көшесіндегі 14 қабатты үйде таңертең болған. Орта жастағы ер кісі 12-қабатқа көтеріліп, кейін төмен секіріп кеткен. Куәгерлер марқұмның жас шамасы алпыстың айналасында екенін айтуда.

«Мен таңертең ПИК-тегі (КСК) жұмысыма сағат тоғыз шамасында келдім. Сөмкемді қойып, отыра бергенім сол еді сырттан бір әйел жүгіріп келіп, көшеде мәйіт жатқанын айтты. Сыртқа шығудан қорқып терезеден қарадым», - деген басылымға ПИК қызметкері Жұмабике Мутешова.

Басылымға аталған үйдің тұрғындары соңғы уақытта бірнеше көршісінің осылай терезеден секіріп кеткендерін айтқан көрінеді.

Қазір полиция қайтыс болған азаматтың кім екенін анықтап жатыр.