Қызылорда облысы мен Қытайдың Ниңшия провинциясы бауырлас өлкелер болып жарияланды, - деп хабарлайды Qamshy.kz «Ниңшия» газетіне сілтеме жасап.

8 қыркүйек күні провинция орталығы Инчуан қаласында Қызылорда облысы ауылшаруашылығы басқармасының өкілі В. Иванов пен Ниңшия провинциясы әкімінің орынбасары Уаң Хы-шан екі өңірдің бауырластығы туралы хаттамаға қол қойған

Сондай-ақ, сол күні қытайлық провинция басшылары Румынияның Илов аймағы мен Ниңшия провинциясының бауырластығы туралы да хаттамаға қол қойған. Аталған шараға Румыния тарапынан Румыния ұлттық либералдар партиясының өкілдері, Илов аймағының әкімі Мариян Петраке, ҚХР тарапынан  Шет елдермен байланыс қауымдастығының вице-призденті Шие Юан қатысқан.

Қытай тарапынан рәсімде қол қоюшы Уаң Хы-шанның айтуына қарағанда, тараптар негізінде сауда-экономикалық, мәдени, ғылыми байланыстарды арттыруға мүдделілік танытқан.