МузАрт тобының орындаушысы – Сәкен Майғазиев Ғ. Мүсірепов атындағы академиялық жастар театрының актері Әсет Есжанмен бірге дуэт құрып, «Жыламасын сәбилер» атты әнге бейнебаян түсірген болатын.

Алматы қаласындағы жетімдер үйінің бірінде түсірілген бейнебаян сюжеті бүгінгі қоғамдағы өзекті тақырыпты арқау етеді. 

«Қазіргі біздің әлеуметте болып жатырған мәселені көтереді. Әсет жақсы актер, жүрекпен орындайтын әнші. Менің жүрегіме жол таба білген әншілердің қатарында. Енді шығып келе жатырған әншіні қолдау мен үшін үлкен бақыт » - дейді Сәкен.

«Жыламасын сәбилер» атты ән балалар үйінде тәрбиеленіп жатқан бүлдіршіндер жайлы. 

Күні кеше жарияланған бейнебаянды тамашалаған жұрт ата-ананың қарауынсыз қалған баланың тағдырына куә болып, көздеріне еріксіз жас келгендерін айтып жатыр.