БҰҰ Эбола вирусының таралуынан ең көп зардап шеккен африкалық елдерге азық-түлік дағдарысы төніп тұр деп ескертті. Бұл туралы BBC ақпарат таратты.
БҰҰ мәтіметінше, Батыс Африкада миллионнан астам адамға ашаршылықтан құтылу үшін азық-түлік көмегі қажет. Гвинея, Либерия мен Сьерра-Леоне ауыл шаруашылығында жұмыс күшінің жоқтығы күріш және жүгері сияқты аймақ үшін маңызды дәнді дақылдардың жетіспеушілігіне әкеліп отыр. БҰҰ ескертуінше, ауру тараған аудан тұрғындары тамақ іздеу мақсатында карантин аймағынан кетеміз деп қорқытып отыр.
