Ақтау қаласының тұрғыны Таубаев Рахат билік өкілдеріне видео үндеу жолдады, – деп хабарлайды Qamshy.kz ақпарат агенттігі сілтеме жасай отырып.
Таубаев Рахат кешенді тестілеуден 120 бал жинаған, сонымен бірге, қызыл диплом иегері екен. Алайда Асфендияров пен ҚарМУ университетінің грантына іліге алмапты. Оның айтуы бойынша, Асфендияров университетіне 65 балмен түсіп жатқандар бар екен.
Ақтау қаласынан келіп, қайда барарын білмей жүрген мектеп бітіруші заңгер Айгүл Орынбектен заңды тұрғыдан көмектесуін сұрап отыр. Таубаев Рахат Айгүл Орынбектен көмек сұрап жіберген видеосында Бақытжан Сағынтаев пен Ерлан Сағадиевтен осы мәселені түсіндіріп беруін сұрайды.
