Тамыздың 16-22 күндері аралығында Моңғолияның астанасы Ұланбатырда Дүниежүзілік 37-ші поэзия құрылтайы болып өтті деп хабарлайды Qamshy.kz ақпарат агенттігі.

«Табиғаттың ақыл-ойы және адамдардың жан табиғаты» деген тақырып аясында өткен бұл құрылтай мен поэзия фестивалін Әлемдік Өнер және мәдениет академиясы мен Моңғолия Жазушылар одағы бірлесіп өткізді. Айтулы шарада 40-тан астам елдің 300-ге жуық ақындары бас қосты. Қазақстаннан барған бір топ ақынымыз құрылтайдан олжалы оралды.

Ұлықбек Есдәулет Әлемдік Өнер және мәдениет академиясының академигі атанып, академияның алтын медалімен марапатталды.

Қасымхан Бегманов академияның гуманитария докторы атанды.

Ғалым Қалибекұлы Әлемдік Өнер және мәдениет академиясының академигі атанып, Моңғолия Жазушылар одағының «Алтын қалам» сыйлығымен марапатталды.

Қазыбек Иса Әлемдік Өнер және мәдениет академиясының академигі атанды.

Жүкел Хамай Моңғол-Қазақ әдебиетіне сіңірген еңбегі үшін «Алтын пегас» сыйлығын және Тайвань елінің «Алтын тырна» жүлдесін иеленді.