Америкалық боксшы, ауыр салмақта әлем чемпиондығына бұрынғы үміткер Дэвид Бей құрылыстағы қайғылы оқиғадан қаза тапты, деп хабарлайды Qamshy.kz ақпарат агенттігі.
Оқыс оқиға сәрсенбі күні Нью-Джерсиде болған. 60 жастағы бұрынғы боксшының үстіне болат қаңылтыр құлап кеткен. Ол соңғы кездері шеберлердің көлік жүргізушісі болып жұмыс істеп жүрген болатын.
1981 жылы Бей кәсіби деңгейдегі алғашқы жекпе-жегін өткізіп, 1990 жылы Майк Тайсонды нокаутқа жіберген Джеймс Бастер Дагластан басым түскен еді. 1985 жылы Бүкіләлемдік бокс федерациясының (IBF) нұсқасы бойынша әлем чемпиондығы үшін айқасып, Бей Ларри Холмсқа 10-раундта техникалық нокаутпен есе жібереді. Боксшы соңғы кездесуін 1994 жылы Дэвид Джакоға қарсы өткізіп, техникалық нокаутпен жеңген.
