USD 518
EUR 608
RUB 6
USD 518
EUR 608
RUB 6
Жексенбі күні Нью-Йорктың 78 жылдық тарихы бар көне көпірі — Костюшко опырылып құлады, — деп хабарлайды Qamshy.kz ақпарат агентігі шетелдік БАҚ-қа сілтеме жасай отырып.
Кейбір деректерге сүйенсек, ескі көпірді қирату сәті шоуға айналыпты. Костюшко көпірін қирату кезінде оны көруге жиналған халық үшін арнайы лоторея ұйымдастырылған. Лотореяда ұтысқа ие болғандар көпірдің құлаған сәтін жақыннан тамашалау мүмкіндігіне ие болған.
Бұл көпірден күніне 10 мың автомобиль және 180 мыңнан астам адам өте алатын еді.
Көпір 1939 жылы пайдалануға беріліпті және он жыл ішінде-ақ көлік кептелістерімен әйгілі болды. Соңғы жылдары көпірдің ескіргені байқалғандықтан, жаз мезгілінде көпірді қирату жоспарланған болатын. Алайда бұл жоспар кейінге шегеріліп келген.
Енді ескі көпірдің орнына жаңа үлкен 5 жолақты көпір салынбақ. Жаңа көпірдің құрылысын 2019 жылға дейін аяқтау жоспарланыпты. Сондай-ақ жаңа көпірде жаяу жүргіншілерге арналған тротуар да болатынын айтты мамандар. Жаңа көпірмен күніне 200 мың автомобиль өтеді.
