Бүгін, 26 қазанда кешке жақын Алматы облысында көлік апатынан ер адам көз жұмды. Жантүршігерлік көлік апаты Қаскелеңнен Шамалған станциясына барар жолда орын алған. Куәгерлердің айтуынша, Mitsubishi Galant автокөлігі жүк көлігінің алдына шығып кеткен. Жүк көлігі жүргізушісі оны байқамай қалған. Жеңіл көліктің жүк көлігіне тікелей соқытығысуы нәтижесінде Mitsubishi Galant жүргізушісі оқиға орнында қаза тапты. Бұл туралы zakon.kz хабарлайды.
Соқтығыс орын алған кезде куәгерлер мен жүк көлігі жүргізушісі зардап шеккен ер адамға көмекке келген. Белгілі болғандай, Mitsubishi Galant жүргізушісі мас күйде болған, салон ішінен ішімдіктің иісі мүңкіп тұрған. Қаза тапқан ер адамның денесін ТЖ қызметкерлері алып шықты.
