Қырғызстанның Орталық сайлау комиссиясы 15 қазанда өткен президент сайлауының түпкілікті қорытындысын жариялады, деп Qamshy.kz ақпарат агенттігі Азаттық Радиосына сілтеме жасап хабарлайды.

Комиссия төрағасының орынбасары Абдыжапар Бекматов қорытынды хаттаманы оқып берді. Ол бойынша, Қырғызстан социал-демократиялық партиясының (ҚСДП) үміткері Сооронбай Жээнбеков 920 мың 620 дауыс (54,22 пайыз), өзін өзі ұсынған Омурбек Бабанов - 568 мың 680 дауыс (33,49 пайыз) жинаған.

Үшінді орынды "Бутун Кыргызстан" партиясының төрағасы Адахан Мадумаров алды. ОСК мәліметі бойынша, Мадумаровқа сайлаушылардың 110 мың 284-і (6,57 пайыз) дауыс берген.

"Барлығына қарсы" дауыс берген сайлаушылар саны 12 мың 171-ні (0,73 пайыз) құраған.