Бүгін түнде сағат 1:30 шамасында Рысқұлов даңғылы мен Емцов көшелері қиылысында жантүршігерлік жол апаты орын алды. Бұл туралы Qamshy.kz ақпарат агенттігі zakon.kz-ке сілтеме беріп хабарлайды.
Куәгерлердің айтуына қарағанда, BMW маркалы автокөлігі Рысқұлов даңғылымен батысқа қарай кетіп бара жатқан. Toyota Camry автокөлігі шығыс бағытта жол жүріп келе жатып, Емцов көшесіне қарай солға бұрылған. Нәтижесінде, жолға сыйыса алмаған екі көлік соқтығысқан.
Қатты соққыдан Toyota-ны жол жиегіне қарай шығып кеткен. Екі көлік жүргізушісі мен олардың екі жолаушысы зардап шеккен. Toyota көлігінің жүргізушісі қаза тапқан. Қалған үшеуі ауруханаға жеткізілді.
Пікір қалдыру