Фируза Шарипованың қатысуымен өтетін бокс кешінде жұдырықтасатын боксшылар белгілі болды, деп Qamshy.kz ақпарат агенттігі vesti.kz-ке сілтеме беріп жазады. Қазақстандық бұрымды боксшы Фируза Шарипова мен бельгиялық Джемилла Гонтарюк арасындағы Алматыда өтетін бокс кешінде шаршы алаңға шығатын боксшылардың барлығы белгілі болды.

Жекпе-жек кешіне қатысатын боксшылардың қатарында қазақстандық былғары қолғап шеберлері Әли Ахмедов, Ержан Залилов, Виктор Коточигов, Әли Балоев, Еділ Қожамбердиев, Айдын Елжанов, Темірлан Райымқұловтан бөлек ресейлік және Өзбекстан, Қытай, Беларусь елдерінен келетін спортшылар да бар. Еске салайық, бокс кеші 30 желтоқсан күні Алматыда өтеді. Фируза Шарипова мен Гонтарюк екінші жеңіл салмақтағы IBO белбеуіне таласады.