Қазақстандағы байланыс операторларының тарифі әлемдегі ең арзан тарифтер қатарына кіреді деп жазады Qamshy.kz ақпарат агенттігі.
iKS-Consulting талдау агенттігі ТМД елдері ішінде Ресей мен Қазақстанда байланыс операторларының қызметі ең арзан деген қорытындыға келген. Қазақстандық операторлар тұтынушыларға қызметі мен бағасы жағынан ерекшеленетін әртүрлі тариф пакеттерін ұсынады. Осыған қарамастан, тұтынушылар тарапынан тарифтердің қымбаттығы туралы көп шағым естиміз. Абоненттер арасында ұялы байлaныс қызметін қымбатсынатындар аз емес. Тіпті, тұтынушылардың көпшілгі бір ғана оператормен шектеліп қоймай, бірнеше байналыс операторларын қолданады. Оның себебі де жоқ емес.
Қазақстанда ұялы байланыс операторлары тарифтерінің бағасы қандай?
Жақында ҚР Ақпарат және коммуникациялар министрі Дәурен Абаев еліміздегі ұялы байланыс операторларының тарифтік бағаларының төмендейтінін мәлімдеген болатын.
«Ұялы байланыс операторлары үшін инфрақұрылымға 30 пайызға дейінгі шығынды қысқартудамыз. Бұл өз кезегінде ауылды жерлерде ұялы байланыстың сапасын жақсартуға мүмкіндік беретініне сенімдімін. Осы орайда бәсекелестік, тұрғындар үшін сапалы байланыс пен арзан тарифті таңдауға жол ашылады. Біз ұялы байланыс операторларына жеңілдік жасап жатырмыз. Бұл ретте біз сапаны жақсарту мен тарифтерді төмендетуді талап ете аламыз», - деп уәде еткен еді министр.
Қазіргі уақытта Қазақстандағы ұялы байланыс нарығының 80 пайызын Kcell мен Beeline операторлары иеленіп отыр. Ұялы байланыс нарығында халықтың сұранысын қанағаттандырып отырған жоғарыдағы екі байланыс операторларының бәсекелесі — Теле2 мен Алтел.
Қазақстандағы ең арзан байланыс операторы қандай?
Қазіргі уақытта Қазақстандағы ең арзан байланыс операторы Теле2 болып отыр. Оны ComNewsResearch талдау агенттігі өзінің зерттеулерінде бірінше рет дәлелдеген. Теле2-нің біршама артықшылықтары мен арзан бағасына қарамастан, кемшіліктері де жетерлік.
1. Қала орталығынан алыс ауылдарда, кейде тіпті қаланың шетінде Теле2-нің әрекет ету аймағы шектеулі, сол себепті абонеттерін ыңғайсыз жағдайға қалдырып жатады. Бағасы жағынан тарифтері қолжетімді болғанымен, алыс сапарға шықанда Теле2 сенімді «серік» болмауы мүмкін.
2. Интернет жиілігінің сапасына да мін тақпау қиын. 4G/3G технологиясы қамтылған болса да, интернет жылдамдығы нашарлау екенін мойындау керек. Осыған байланысты тұтынушылар бағасы жағынан қолжетімді Tele2-мен қоса, сапалы интернет қызметін ұсынатын басқа да операторларды қолдануға мәжбүр.
2011 жылы Қазақстан нарығына Теле2 ұялы байланыс операторы келгеннен кейін байланыс тарифтерінің бағасы әлдеқайда төмендеген.
TELE2
Tele2 операторы қала нөмірлеріне шығыс қоңыраулардың 1 минуты – 11 теңге
Өз абонененттеріне төмендегідей тарифтік жоспарлар ұсынады:
Ең арзан тарифтік жоспар "Кәдімгідей старт" – 1190 тг
